اليتيمة الجزء الخامس
لين
: ياخالتي شو عم تعملي بترجاكي تركيني
رغد
: خرسي وليه..لابقلك شعر لانو
لين
( عم تبكي) والله لأشكيكي
رغد
: لمين لعمو زياد يابعدي
لين
: لأ..بدي اشكيلي ل الله
( حلقتلي شعري عالصفر و صارت تضحك بكل دم
بارد تركتني عم ابكي و لملمت خصل شعري و طلعت عالغرفة..بكيت كتير..حسيت حالي خسرت كلشي...ياستي
وينك ليش تركتيني..انا لازم روح عند امي احكيلا)
رغد
: وين رايحة
لين
: مالك علاقة
رغد
: روحي روحة بلا رجعة
(لبست و طلعت صرت اركض و حفظت طريق بيت اهلي
وصلت لعندن و قعدت جنبن عالتربة..صرت احكيلن شو عملت فيني و ابكي..اجا عبالي احفر حفرة
و نام جنبن و هيك ساويت...)
زياد
: رغد وينك
رغد
: هون حبيبي
زياد
: شو وين عمر و لين
لين
: عمر و لين نايمين
زباد
: ايوا..يلا انا رايح شوفهن
رغد
: خلينا قاعدين
( قعدت مع رغد حكينا شوي و بعدا قمت حتى شفت
الولاد..دخلت ع غرفة عمر كان نايم متل الملاك خليلي قلبوو و طلعت ع غرفة لين..)
زياد
: فتحيلي لين..يالين سامعتيني
(فتحت الباب و اتفاجئت لما ما لقيت لين)
زياد
: يا رغد تعي لهون
رغد
: خير شوفي حبيبي
زياد
: وين البنت
رغد
مابعرف تركتا نايمة
زياد
بتعرفي اذا ما بلاقيها رح حاسبك
( تركتا و طلعت من الببت..صرت اسأل عليها
بالشارع ماحدا عرف شي..ناديت عليها بالجامع و بعدا خطرلي انها تكون راحت عالمقبرة و
لما رحت المشهد يلي شفتو شيبلي شعر راسي...شفت بنت صلعاء بدون شعر عم تحفر بالتربة
بين قبر ابوها و امها..لما شفتها هيك عقلي ما تحملني وقعت ع ركبني و ندهتلا...)
زياد
: لييييييييييييين
لين
: انت شو جابك
زياد
تعي لهون..شو عم تعملي
لين
: مابدي اجي..بدك تساعدني تعا ساعدني و احفر معي.
زياد
: حرام الله بيحاسبك
لين
: الله رح يسامحني لان انا يتيمة
زياد
: و انا كافلك
لين
: مابدي ياكن روحو من هون
( رحت و سحبتا من ايدا و طالعتا من المقبرة)
زياد
: انتي بدك اهلك يتعذبو بقبرهن
لين
: انا بدي روح لعندن..هنن رح يفرحو كتيير بجيتي
زياد
لا بالعكس هنن رح يتعذبو بدون ما انتي تحسي
لين : .....
زياد
: حكيلي شو صاير معك و ليش هيك شعرك
لين
: خالتي حلقتلي ياه
زياد :....
لين
: حبستني بالتواليت و انا ماحكيت...دفشتني عالدرج و ماحكيت
شوف
ايدي كيف حرقتا و ما حكيت..شوف اذني كيف سكبت فيها شمعة و ماحكيت بس شعري مافيني خبي
زياد
: والله لاخد حقك من عيونا
(/اخدني عمو عالبيت و توقعت انو حرب رح تقوم
..انا ماكان لازم احكي كلشي بس والله ماعاد فيني اتحمل...عذبتني كتيير..ابنا عمر بيضل
بحضنا عم تلاعبو وانا عم تضربني متل الحيوانات..والله مو طالبة منها شي بس ما تئذيني...لما
وصلنا عالببت كنت خايفة كتير من يلي رح يصير و لما فتحنا الباب...ركضت علي رغد و حضنتني)
رغد
: وينك يا حبيبتي ليش رحتي و تركتينا
زياد
: الك عين تحكي
رغد.:
شو في حبيبي
زياد
: شوفي راس البنت و ايدها و جسما بتعرفي...لك انتي مافيكي رحمة..بلا ضمير بلا احساس..لك
تخيلي بنتك محلا..بترضي هيك تنظلم...لك شو عملتلك اه...بتعرفي يوم عن يوم بكتشف اني
اخترت انسانة ظالمة مافيها جنس المشاعر و الاحاسيس بلا رحمة
رغد
: انا حلفتلها شعرها لان مقملة
لين
: انتي كذابة...الله لايسامحك..مو اذا يعني انا يتيمة هيك تعملي فيني.اليتيمة بتكبر
و انا بس اكبر رح اخد حقي منك...شوف ياعمو هاد شعري يلي حلقتو..شوف وين القمل..شوف
انها كذابة
زياد
: تفضلي ست رغد طالعيلي القمل
يتبع ...
لقراءة الجزء السادس من هنا
https://fullst0ry.blogspot.com/2020/09/blog-post_10.html
 والله لأشكيكي ...){kind=link}
تعليقات: 0
إرسال تعليق