اليتيمة الجزءالرابع

زياد : رغدددددد

رغد : صباح الخير حبيبي

زياد : انو خير..لك انتي مافيكي رحمة اااه. خليتيها تتحمم ب مي باردة مشان هيك مرضت

رغد : انا

زياد : اي انتي...قلتلك بس هالفترة تحمليها بس مافي امل...مالك ناوية ع خير ابدا

رغد : انا مالي خبر انو المي باردة و عم تخانقني مشان مين ؟؟ مشان وحدة جبتا من الشارع

زياد : لك حاج تقولي من الشارع

( كل يوم عن يوم تزيد معاناتي مع الست رغد..حاولت كتير اتجنبها. ...الشي يلي كان مصبرني ع هالحياة هوو عمو زياد...مالي حدا غيرو...فضلو عليي كبير مارح انساه كل حياتي ...حاولت كتير مع خالتي بس ما قدرت اكسب محبتها لان هيي بالاساس مارح تحبني...و مضت ايام و سنة و يوم عن يوم كانت تتفنن بتعذيبي ما حبتني كانت تستنى الفرصة حتى تسمعني حكي ع ماما بابا و كل ماحاول رد عليها كانت تضربني انا كتييير مواقف كانت تضربني فيها حتى تبكيني و مرة شالتني و رمتني عالارض و كتير قصص و انا ماعاد عندي الجرأة اني احكي شي..كنت اسكت عن كلشي مو مشانا او لانو خايفة منها ابدا...بس ماكان بدي دايق عمو زياد ابدا...كنت اندم ع كل لحظة يدايق فيها بسببي..انا الدخيلة ع هالعيلة و لازم اتحمل و اسكت..ع الاقل اذا طلعت من البيت اقدر دافع عن حالي و ما اتعرض للظلم من حدا و اعتمد ع نفسي.. )

زياد : عمو ليش هيك جبينك

لين : مافي شي عمو بس وقعت من الدرج..لان كنت اركض بسرعة

زياد : متأكدة

لين....

رغد :الله يصلحها..قلتلا ما تركض بس ماكنت تسمع مني و ركضت بسرعة

لين : اي عمو متل ما قالت خالتي

-زياد : اي انشالله

(/يوم عن يوم كنت حس بالمسؤولية تجاه لين و انو لازم وفرلها حياة حلوة..مشان هيك حكيت مع محامي بعرفو مشان اقدر سجلها ع اسمي حتى تدخل المدرسة و يقبلوها و..لان مافي اي وثيقة تثبت شخصيتا...حاولت اعمللها هوية حتى ما حدا يأذيها ب اي كلمة...كنت خاف اني اتركها مع رغد بالبيت..صرت شك ب رغد و معاملتا لالها و خصوصي بعد ماصدر كتيير تصرفات غلط من رغد..والله مو هيي نفسا الانسانة يلي حبيتا و دفعت الغالي لتكون من قسمتي مافي عندا ذرة رحمة)

........

رغد : حبيبي هيي البنت صار عمرا ست سنين..رح يصرلا عنا قريب السنة و انت لهلأ مالقيت ميتم منيح

-زياد : اي حبيبتي عم اسأل..بس والله عم اسمع انو في ظلم ب المياتم

- رغد : بالعكس بيهتموا فيها اكتر مننا

زياد : اي انشالله بكرا رح روح ع غير منطقة دور..

رغد ماشي حبيبي.... لين تعي قعدي معنا

زياد اي هيك ها حني عالبنت

لين : مسالخير عمو

زياد : مسالنور بنتي

رغد : شووووووووو

زياد : شو صرلك

رغد : لين لبرا يلا روحي العبي مع عمر

لين :.....

رغد : يلاااا

زياد : شو صرلك فهميني

رغد : ليش عم تقلا بنتي...هيي مو بنتك..اصحا عحالك شو عم تحكي

زياد : الكلمة الطيبة صدقة ...ليش قلبك من حجر

........

(كالعادة تخانقو مشاني وضلت اصواتهن لعند الجيران بسببي و خالتي تروح و تجي و تمسح فيني و بكرامتي الارض.و الله الحجر بيتفتت من قسوة كلامها و مضت االيلة و انا عم ابكي بالغرفة بدون صوت..ليش لان مابصير يطلع صوتي ولا حتى صوت نفسي و تاني يوم الصبح فئت و كالعادة نادالي عمو زياد و نزلت حتى افطر معن...كنت اكل بشراهة لان بعرف مارح آكل ولا لقمة للمسا)

رغد : قومي يلا

لين لوين

رغد : قومي بدون ولاحرف

( قمت معا و اخدتني عالتواليت و حبستني فيه..و انا مابعرف ب الوقت حبستني من الصبح للمسا كل يوم عهالحالة..تخليني اطلع قبل ما يجي عمو زياد من شغلو و تكرر هالموقف و انا بالتواليت..صرت شوف كوابيس..صار يتخيلي اشكال الوان و كانت تهددني انو رح تحرق لساني اذا بحكي شي بس انا والله ماعدت اتحمل)

لين : عمو خدني معك

زياد : لوين بدي اخدك

لين : بدي روح عند بابا و ماما..تركني اليوم زورن والا رح روح لحالي

زياد : هلأ باخدك نزورن

لين : انا بحبك عمو

( صرت كل يوم اطلب من عمو ياخدني لعندن..كان مايرفضلي طلب و ياخدني لعندن..كنت لاقيها فرصة لاهرب من ظلم رغد الي

كنت اشكيلا لامي همي..بيقولو الميت بيسمع و بيدرى بيكلشي..اكيد يا امي حاسة فيني و كيف عم تظلمني الست رغد..بتعرفي يا امي عم تحبسني بالتواليت...صرتت اتخيل شغلات و شغلات..صرت شوف افاعي ...صرت شوف اشباح...ياريتك يا بابا اخدتوني معكن..ليش تركتوني هون..العم زياد كتير منيح معي بس هوو مابيعرف شي ابدا).

زياد : يلا يا لين الحلوة صار لازم نمشي

لين : اجيت عمو

زياد : اي اجيت

لين : خليني هون عمو مع اهلي والله هنن بحبوني كتير

زياد : و نحن منحبك

لين : لا

زياد : حبيبتي احكيلي خالتو رغد عم تعذبك شي

لين : لا ابدا

زياد لكن شو في

لين : عمو انا هيك بدي...

زياد : ياعمو مابصير تبقي هون..انا وعدتك كل مرة بجيبك بس هلأ خلينا نمشي

لين : ماشي عمو

( رجعت عالعذاب من اول و جديد ..ياريت لو فيني احكي بس انا يلي رح لاقي الاذى لاني ببقى معا كل النهار و اكيد لو حكيت رح تعاملني يوم منيح و تقسى عليي عشرة..)

رغد : اجيتو

زياد : اي حبيبتي

رغد : يلا فوتو غسلو صار العشا جاهز

زياد : يعطيكي العافية حبيبتي

رغد : الله يعافيك..بكرا بدي روح اشتري تياب ل عمر عالمدرسة

زياد : اي و خدي لين اشتريلا اواعي جدد

رغد.....

زياد : اي متل ما عم قلك

رغد: لأشوف

(تعشينا و طلعت لغرفتي حتى نام.....شو تمنيت انو يكون عندي اب و ام عايشين و ياخدوني و يشترولي اواعي جدد للمدرسة...شو تمنيت اني افرح بلعبة متلي متل كل هالولاد بس للاسف الله مو كاتبلي شي)

رغد : لين يا لييين تعي لهون وليه

لين : نعم خالتي

رغد : تعي ورجينا شعرك لشوف

لين : شو بدك فيه هيي عمو ضفرلي ياه

رغد : قربي لهون و ليه

(شغلت الماكينة و حلقتلي شعري)

 

 

يتبع ...

 

 لقراءة الجزء الخامس من هنا

 https://fullst0ry.blogspot.com/2020/09/blog-post_24.html