اليتيمة الجزء السادس

 

 

اليتيمة الجزء السادس

 

 

-رغد : انا والله شفت قملة براسا..ليش مالك مصدقني

زياد : طيب ماشي و شو شفتي ب اذنها

رغد ماشفت شي انت صدقتا..هاد حرق قديم ب اذنها..حتى شوف مبين و انا كنت بدي قلك من قبل عليه بس نسيت

زياد : و الحمام

رغد : انا حبستا كم ساعة لان عم تغرق باليل و روح شوف كيف غاسلة مطرح ما بتنام

لين : انتي عذبتيني..انتي كذابة

زياد : خلص عمو..و رغد اسمعي شو بدي قلك...البنت من هلأ و رايح ما بتتعرضيلا ب شي و مالك علاقة فيها و بتنام ب غرفة بنتنا و كلمة مابدي اسمع و يشهد الله اذا بترجعي بتعيدي هالفصول مارح يحصل خير بيناتنا ابدا

رغد : هيك عم تحكي معي

- زياد : اي هيك..و طلعة من البيت مالك و اقسم بالله اذا طلعتي مالك رجعة

رغد :.....

زياد : ماتوقعت بلا ضمير و انسانية لهالدرجة..انتي رغد يلي بعرفا كانت تحب فعل الخير بس انتي لا..مدري شو صايرلك

رغد : بس انا

زياد : مابدي اسمع ولا كلمة

( انتقلت للغرفة الجديدة....حلوة كتير...و الحمدلله خالتي رغد ماعادت اعترضتلي ابدا..كان كل يوم يمر بشكل طبيعي و انا ما كنت اتعاطاها ابدا...اطلع عالفطور و ارجع عالغرفة و ارجع اطلع عالغدا اتغدا معهن و ارجع..الحمدلله كفت بلاها عني و شعري بلش يطلع من اول و جديد)

زياد : لين تعيي شوفي شو جبتلك

لين : هدول الي

زياد : اي هالصدرية و الشنتة الك مشان تروحي عالمدرسة

رغد : هههههههه شلون بدهن يقبلوها بالمدرسة بدون شي يثبت هويتا

زياد : معلش بيقبلوها

( تاني يوم كان مدرسة...فرحت كتير بالصدرية يلي جبلي ياها عمو..لبست و جهزت حالي حتى يوصلني عمو عالمدرسة مع ابنو عمر...)

لين: عمو بدي روح زور بابا و ماما

زياد : هلأ بس اجي آخدكن من المدرسة منزورهن سوا

عمر : بابا ما تتأخر علينا وقت ننصرف

زياد : ماشي بابا..دير بالك ع لين الحلوة

عمر حاضر

( رحت عالمدرسة..كان يوم حلو كتير..كان في كتير اطفال من جيلي...العب معن. بالمدرسة كنت حس بالامان اكتر من اي مكان تاني..لما خلص الدوام رحت زرت بابا و ماما و كل يوم كنت روح زورهن بعد بالمدرسة..عمو زياد ماكان يرفضلي طلب و انا كنت كتير مبسوطة معو حتى ابنو عمر مافي منو...عمر كان اكبر مني ب سنتين..كنت لما اطلع من البيت ارتاح رغم انو خالتو رغد ماعاد حكت معي بس اسمع كيف كانت تسمعو بالحكي لعمو زياد)

رغد : شو لهلأ مالقيت دار ايتام منيحة ترعاها

زياد : لاوالله

رغد : مالقيت الا مابدك تخليها تروح من عنا

زياد : لو فيي مابقصر بس انتي مالك رغبة

رغد : منيح يلي بتعرف اصلا من وقت يلي جبتا و انت بتدوس ع رغباتي و مالك سائل عني

زياد : خلصنا بقا

لين : عمو خدني ع هالدار يلي عم تقول عنا خالتي رغد

زياد : ليش عمو مو مبسوطة معنا

لين : امبلى لعمو بس خالتي مابدها ياني

رغد : يالله شو بريئة

زياد : خلصنا بقا

( كل يوم نفس الحكي اسمعو قبل ماروح عالمدرسة و بعد ما اجي...كل يوم ع نفس المنوال..حتى اجا هاليوم الكئيب)

-حضرتك زياد......

زياد : اي انا

- امشي معنا جاي امر ب القاء القبض عليك

- ليش سيدي

- وين البنت يلي ماسلمتا لدار الايتام

- ماعندي انا بنت

- رغد : لك شبك حبيبي ليكون قصدو لين

-شحطوهن

( رحت عالمخفر انا و عمو زياد..فهمني عالطريق اذا سألوني انو قلهن هاد ابي و انو بابا اسمو زياد)

زياد : فهمتي لين

لين : اي بابا

زياد : خليلي الشطورة

( وصلنا عالمخفر و شرح عمو زياد الموضوع للشرطي و قلو سوء تفاهم و انو انا بنتو و رجاه اوراق ثبوتية بتثبت انو انا بنت زياد و حتى لما سألني السرطي قلتلهن بابا زياد و ماما رغد و الحمدلله اقتنع...طلع عمو زياد ناسبني الو رغم معرفتو بعيلتي الاساسية..حتى انا صرت اعرف مين بابا و مين ماما بيكونو من شاهدة القبر بس عمو زياد تقصد يتبناني و ينسبني الو و خصوصي لهلأ ماحدا سأل عني بعد وفاة ستي...لما رجعنا من المخفر..وقفو البقال بالحارة و سألو عني و كيف طلعنا .عمو زياد تفاجئ لما عرف من البقال انو الست رغد اجت حكت مكاامة من البقالية خبرت فيها الشرطة عن عمو)

 

يتبع ..

 

لقراءة الجزء السابع من هنا

https://fullst0ry.blogspot.com/2020/09/blog-post_91.html