اليتيمة الجزء الثامن

اليتيمة الجزء الثامن

(اجت ايام الامتحانات و كل مادة كان تقديمي فيها احسن من يلي قبلا..الحمدلله رب العالمين والله اني ممنونة للعم زياد كل العمر...نشلني من القاع من انا و صغيرة و اهتم فيي رغم محاولات الست رغد...ومضت عدة ايام و عم استنى صدور النتائج و فجأة اجا عمر)

-عمر : جهزي حالك لين انا جاية اخدك

لين : لوين

عمر بعدين بتعرفي..عفكرة اشتئتلگ

لين : وانا كمان

عمر : وانتي شو

لين : لا ولاشي

(يوم عم يوم كانت مشاعري تظهر ل عمر...انا حبيتو حبيت طيبة قلبو و اخلاقو بس من بعيد لبعيد مابدي قرب منو ابدا لان الست رغد و رغم الشي يلي صار فيها اكيد مارح ترحمني و رح تهتني عالطالعة و النازلة..لهيك مارح قرب منو ابدا)

لين : يلا عمر ليكني نازلة

عمر : ماشي عم استناكي

عمر : ماشالله شو طالعة حلوة

لين تسلم يارب...لوين آخدني

عمر: هلأ بتعرفي

( كل الطريق كنت خايفة و مرعوبة لان لهلأ مابعرف نتيجة امتحاناتي و الطريق يلي اخدني منو عمر مابعرفو لاول مرة بمشي فيه...انا قلبي حاسسني انو ح باخدني لعندن عالبيت و فعلا اخدني من طريق فرعي ع بيتن...تخانقت انا وياه لان ما خبرتي ولان مابدي شوف الست يلي ظلمتني بحياتي)

عمر : ليش انتي بتستبقي الاحداث

لين : ليش خالتي رغد تركتني موقف حتى فكر فيها بالخير و انت بتعرف اديش ظلمتني

عمر : بس هلأ غير

لين : شو يلي تغير...انا متأكدة زادت تجبر و قوة

عمر امشي معي بقا حاجتك عناد

لين : اي عنيدة

(سحبني مين و دخلني عالبيت...لما دخلت من بعد ماطلعت منو من شي سبع سنين...صرت اتخيل كيف دخلت عالبيت و كيف كانت الست رغد تعذبني...كيف دفشتني عالدرج و حبستني..كيف حلقتلي شعري...كيف كانت عالطالعة و النازلة تضربني ..دخلت و المنظر يلي شفتو اخد عقلي ...)

يتبع ...

لقراءة الجزء التاسع و الأخير من هنا

https://fullst0ry.blogspot.com/2020/09/blog-post_17.html