اليتيمة الجزء الثالث

رغد : والله يا حبيبي ما قلتلا شي

لين : انا مالي جئرة

زياد : شو هااد

رغد : هيي جاوبتني

زياد : لين تعي حبيبتي معي بدي قاك شغلة

لين : ماشي عمو

........

(اخدت لين ع حديقة البيت و صرت افهمها انو رغد رح تهتم فيها حتى تكبر و لازم ما تعاندها و تسمع منها...حاولت حسن صورة رغد بعيونا يلي انا اتفاجئت بعد تصرفا اليوم)

- زياد : يا لين الحلوة خالتو رغد رح تهتم فيكي حتى تكبري و تصيري صبية حلوة و تقدري تعتمدي ع حالك

-لين : هي ما بتحبني

زياد: مين قلك..هيي قالتلي انو بتحبك بس انتي عم تخافي منها..هيي رح تعلمك حتى تكبري و ديري بالك ع حالك و تعتمدي ع نفسك...رح تهتم فيكي متل امك الله يرحما

لين : عمو ماحدا متل امي

زباد :......

لين : امي كانت تحبني..ماكنت ترفضلي طلب..كانت تحملني بين ايديها و تشتريلي كلشي بدي ياه..امي بتقلي انتي بنوتة جريئة و حكياتا حلوة..امي ما بتقلي جئرة

زياد : خلص حبيبتي..هلأ رح نروح عند خالتك رغد و شوفي كيف ح تصالحك و تعطيكي اكلات طيبة

( سحبني عمو زياد من ايدي و كل الوقت عم يقلي انو لازم اسمع كلمتا و انو هيي انسانة طيبة بس انا ماشفت هالشي منها من اول دقيقة دخلت فيها ع بيتن و هيي عم تزاورني كاني عدوتها و كل ذنبي اني يتيمة لو اهلي عايشين ما صار معي هالذل هاد..لو ستي ما تركتني ماكنت تعرضت لهيك معاملة من ست متعجرفة مابتعرف الرحمة ابدا ولا الاحسان لليتيم...عمو زياد كان دايما يمدحلي منها بس انا ماحبيتا و لا هيي حبتني و لا رح نحب بعض..يمكن انا يلي لازم اتحمل لاني يتيمة ...)

زياد : خدي لين شوفي شو بتحتاج عطيها

رغد :.....

زياد : يلا حبيبتي روحي مع خالتو

رغد : تعي معي يلا حتى شوف شو لازمك

( رحت معها..سحبتني من ايدي بكل قوة و هيي عم تضحك ب وجه عمو)

لين : تركيلي ايدي وجعتيني

رغد : امشي من دون ولا حرف

لين : بس ياخالتي

رغد : خرسي بقا...هيي غرفتك يلي ح تنامي فيها

لين : بس مافي تخت

رغد : ع الارض بتنامي .

لين : بس انا بدي تخت

رغد : بالله..بحقلك تطلبي لانو..حمدي ربك اني قبلت تعيشي معي

لين :....

رغد يلا رح اعطيكي بيجاما..وفوتي عالحمام تحممي و غيريلي هالقرف

لين : انا مابعرف بتحمم

رغد : مو مشكلة...مرة ع مرة بتتعلمي ..رح عير الساعة معك عشر دقايق و بتطفى الكهربا عالحمام...عشر دقايق لازم تكوني خالصة و اصحك هالحكي يوصل لزياد.. بدبحك والله

لين :....

(تركتني و راحت بعد ما حكت معي كل هالحكي و هانتني...كل كلمة قاسية تحكيها معي.. عطتني بيجاما كانت كاببتها انا متاكدة..كانت تنظرلي بقرف..دخلت عالحمام حتى اتحمم..كانت المي باردة كتير..لسه مالحقت اتحمم الا انقطعت الكهربا...عرفت وقتها انو هيي يلي قطعتها...لبست و فردت شعري و قعدت ع الارض بالغرفة..حتى كرسي مافيها..بردت كتير...يالله ما اصعبا هالحياة..شئد ظالمة..انا من بكرا لازم اطلع من هون . بس وين بدي روح حتى قبر ماما و بابا مابعرف روح عليه..يارب ساعدني)

رغد : تعي لين تغدي معنا

لين : مالي جوعانة

زياد : يلا لين الحلوة انزلي كلي معنا

لين : يلا عمو جاية

.....

رغد : ليش ما مشطي شعرك

لين : انا مابعرف

زياد : رغد جيبلي المشط

رغد :.....

زياد : يلا رغد عم استناكي

( مشطلي عمو شعري و ضفرلي ياه و كل الوقت خالتو رغد عم تزاورو)

زياد : اي هيك ها..شو حلوين شعراتك بيشبهو شعرات رغد

رغد : بالله..ماحدا عندو متل شعري

لين : شعري متل شعر ماما

( كان الجو مشحون و كانو حرب باردة..نظرات عيون و كلمات من الشرق و الغرب...حاولت اتقرب منها بس ما قدرت..كل ما احي احكي معا تضربني و تصرخ عليي و كانني بنت من الشارع و يمكن انا هيك فعلا)

.......

زباد : وين لين

رغد : يمكن نامت

زياد : وين نامت بالغرفة فوق

رغد : اي

زياد : بس الغرفة فاضية..اخدتيلا شي تنام عليه

رغد.: ييي والله نسيت..يلا هلأ باخدلا

زياد : ماتعذبي حالك انا رح شوفها

رغد : بس

زياد : خلص مابدي اسمع ولا حرف

( طلعت عالغرفة حتى شوف لين لقيتها نايمة ع الارض بدون حرام ولاشي..و الغرفة باردة كتيير حاولت افيقها ماصحيت معي كانت حرارتها مرتفعة..يظهر انها آخدت برد كتير

مديتلها فرشة و شطحتها عليها و غطيتها و ندهت ع رغد.)

زياد : رغد يا رغد جيبيلي ميزان الحرارة معك

رغد : ماشي

( حرارتها كانت اربعين..عطيناها دوا و حاولت نزل حرارتها بالكمادات لان الوقت اتأخر ومافي دكتور قريب علينا..سهرت كل الليل جنبها..مابعرف هالطفلة بكل برائتها شفت فيها بنتي الله يرحما..الحمدلله بلشت حرارتها تنخفض)

...........

( الصباح التالي)

-لين : عمو ياعمو ليش هوون نايم

زياد : ياعمو لانو كنتي بالليل مرضانة

لين : اي هيي من المي الباردة يلي اتحممت فيها

زياد :مي باردة

لين : اي عمو..انا تحممت امبارحة ب مي باردة مشان هيك مرضت

 

 

يتبع ...

 

لقراءة الجزء الرابع من هنا

https://fullst0ry.blogspot.com/2020/09/blog-post_53.html